कहिलेसम्म खेल्ने मध्यपश्चिममा कबडी र खुनको होली ?
भिडियो हेर्न तलको बाकस थिच्नुहोस
जीवन बिसी
‘तिम्रो बिचारप्रति म सहमत छैन तर तिमीले आफ्नो बिचार राख्न पाउनु पर्छ भन्ने कुरामा म सधै लडिरहने छु’ विश्वब्यापी चर्चित यो भनाई अहिले मध्यपश्चिममा लागु भएको छ । सीमांकनसहित ६ प्रदेशको निशाना मध्यपश्चिम परेपछि विचारमा सहमत नहुनेहरु पनि आन्दोलनमा छन् । थरि थरिका बिचार, थरि थरिका भौगलिक स्वार्थका कारण सिंहदरवारको मानसिकता खलबल्लिएको छ । हिंसात्मक प्रबृतिको मनोरोगीलाई उपचार न सिंहदरवारले खोजेको छ न त खोज्ने प्रयत्न नै भएको छ ।
मध्यपश्चिमलाई टुक्रा पारेपछि मध्यपश्चिमका हरेक जिल्लामा आन्दोलन भइरहेको छ । कतिपय जिल्ला अन्य जिल्लालाई दास बनाउने मनोबिज्ञानबाट हिडेका छन् भने कतिपय जिल्ला प्रदेशको राजधानी बनाउने कवडी खेल खेल्दैछन् । दाङ र सुर्खेतको कवडी खेलमा जुम्ला, जाजरकोट, सल्यान र रुकुम प्रताडित भइरहेका छन् । तरपन्,ि सिहंदरवारका चारभाई सत्ताको आशमा मिठो निन्द्रा सुतिरहेका छन् ।
सुर्खेतमा ज्यान गुमाएका तीन नागरिकको चित्कार शिर्ष नेताका बैरीकानमा परेको छ । तरपनि सुन्न उनीहरु चाँहदैनन् । दोषभरी त्यसक्षेत्रका सभासद् र नेताहरुमाथी थोपरेर पानीमाथी ओभानो बन्दैछन् । सहायक दोष दोस्रो वा तेस्रो तहका नेता कार्यकर्ताको होला तर मुल दोष राज्य सञ्चालनको सिंहासनमा बसेका चार भाई कै हो । एउटै जिल्लामा दुई थरी आन्दोलन भइरहेका छन् । आन्दोलनका चरित्र कतै शान्ति र भद्रपूर्वक छ भने कति उराजक र हिंस्रक छ । हँ एउटा सत्य के हो भने हिंसा रोज्नेले संसार जित्ने दावी गर्छ तर जहिले पनि उ पराजयको पात्र हुन्छ ।
कोही अखण्ड मध्यपश्चिम नभएर नबाँच्ने, कोही जिल्ला होइन सिमित क्षेत्रको स्वार्थ पुरा गर्न सडक नछोडने । आन्दोलनको निकास के ? आफ्नो अनुकुल भएपछि मात्र सरकारी कार्यालय तोडफोड रोक्ने ? युद्धमा सवैभन्दा बढि खुन बगाएको क्षेत्रमा फेरी खुनको होली खेल्ने ? यो अधिकार ठुलो स्वरमा चिच्चाउने र मध्यपश्चिमलाई फेरी बिभेदमा पार्नेसँग छैन । संघिय संरचना देश गएपछि आफ्नो अनुकुल पर्ने क्षेत्र रोज्न पाउने जुनसुकै जिल्लाका नागकिरको अधिकार छ । तर जवरजस्ती ‘म जहाँ छु त्यही आ’ भन्ने दास मनोबृत्ति तत्काल आन्दोलन पक्षले छोडनु पर्दछ । सवैलाई स्वतन्त्रताको हक र अधिकार छ ।
मध्यपश्चिम क्षेत्रमा तीन ठुला शहर छन्, बाँके, सुर्खेत र दाङ । यी तीन सहर अन्य कुनै सहरभन्दा कमजोर छैनन् तरपनि यी क्षेत्रलाई पाखा लगाउने काम शिर्ष नेताहरुबाट भएको छ । त्यसकै नतिजा हो मध्यपश्चिम आन्दोलन । संघियतामा क्षेत्र जिल्ला, गाविस र गाउँसम्म राजनीतिक संरचनामा फेरबदल हुन सक्छ तर त्यो नागरिकको मनोइच्छामा भर पर्छ । जवरजस्ती लादेर निकास होइन युद्ध हुन्छ ।
अखण्डको माग पनि मध्यपश्चिमका सन्र्दभमा नाजायज छैन । हिमालमा गादो लगाने दाईले पहाडमा टोपी लगाउने दाईलाई, पहाडमा टोपी लगाउने दाईले तराईमा धोति लगाने दाइसँग मितेरी गाँसेको छ । राजनीतिक बिभाजनबाट यो मितेरी नटुटोस भन्ने अखण्डबादीको मुद्दा पनि जायज छ । तर यसो गर्दा कुनै जिल्ला वा क्षेत्रलाई समस्या पर्छ भने ती जिल्ला र क्षेत्रका बासिन्दाको चाहना अनुरुप अर्काे क्षेत्रमा समाहित हुनु पाउनु पर्दछ । भिडियो हेर्न तलको बाकस थिच्नुहोस
0 comments
Write Down Your Responses