विमानस्थलमा अड्डा जमाएर बसेको भारतीय उद्धार टोली स्वदेश फर्किए
भिडियो हेर्न तलको बाकस थिच्नुहोस
सरकारले भूकम्पबाट प्रभावित खोज तथा उद्धार काम तत्कलका लागी सकिएको भन्दै आफ्नो देश फर्किन आग्रह गरेपनि त्रिभुवन अन्तराष्ट्रिय विमानस्थलमा अड्डा जमाएर बसेको भारतीय उद्धार टोली आज स्वदेश फर्किएको छ ।
गत शनिबार गएको विनाशकारी भूकम्पमा परेकाहरुको खोजी तथा उद्दारका लागि नेपाल आएको भारतको १३ वटा टोलीले आज नेपाल छाडेको हो ।
गृह मन्त्रालय स्रोतका अनुसार बुधबारसम्ममा ४२ बटा टीमले नेपाल छाडेको छ । नेपाल छाड्ने टोलीमा १३ वटा भारतका छन् । यस्तै चीनका दुई टीम पनि नेपाल छाडेर स्वेदश फर्किएको छ ।
यस्तै टर्कीका चार, हंगेरी, स्पेन र क्यानडाको तीन तीन, फ्रान्सका दुई पनि फर्किएका छन् । नेपाल छाड्ने टीममा बेल्जियम, जर्मनी, नेदरल्याण्ड, फिलिपिन्स, पोल्याण्ड, उत्तर कोरिया, अष्ट्रेलिया, इजरायल, ओमान र जापानको टीम पनि फर्किएको छ ।
सरकारले हालै मात्र खोजी तथा उद्दारको धेरै काम सकिएको भन्दै विदेशी टीमलाई र्फकन आग्रह गरेको थियो । बाँकी काम नेपाली सेना, सशस्त्र प्रहरी र प्रहरीले गर्न सक्ने सरकारले बनाएको छ । भिडियो हेर्न तलको बाकस थिच्नुहोस
0 comments
Write Down Your Responses