पूर्वराजाका ज्वाइँलाई यसरी करोडौंको झट्का
भिडियो हेर्न तलको बाकस थिच्नुहोस

काठमाडौं,असार १ – पूर्वराजा ज्ञानेन्द्रका ज्वाइँ राजबहादुर सिंह बेला–बेलामा पूर्वयुवराज पारसकै जस्तो व्यवहार देखाउनाले समस्यामा पर्ने गरेका छन् । उदण्ड स्वभावका कारण उनले हालै करोडौं क्षति वहोर्नुपरेको छ । विविध व्यवसायमा हात हालेका उनको क्यासिनो व्यवसायमा निकै लगाव छ । याक एण्ड यतीमा रोयल क्यासिनो चलाउँदै आएका उनी त्यही कारण दुई पटक प्रहरी खोरमा समेत परिसकेका छन् । एकपटक क्यासिनोमा जुवा खेलाएको भन्दै रमेश खरेलले पक्राउ गरे भने अर्को पटक मदिरा खाएर झगडा गरेको आरोपमा पक्राउ परेका थिए । गिल्ट इन्टरनेशनल नामक कम्पनीको नाममा उनले रोयल क्यासिनो चलाउँदै आएका छन् । जुन एक सातादेखि बन्द छ , अनौठो कारणले । डेढ वर्षअघि सरकारले क्यासिनोहरुलाई कडा नियम लागू गर्यो । क्यासिनो खोल्न करिब ३५ करोड रुपैयाँ लाग्ने भयो । जुन मापदण्डअनुसार क्यासिनो बन्द गर्न सबै जना असफल भए र राजधानीको सबैजसो क्यासिनो बन्द हुने अवस्थामा पुगे । तर पनि केहीले चोर बाटो अपनाए । अर्थात् अदालतमा सेटिङ मिलाएर क्यासिनो खोल्न आदेश ल्याए । सर्वोच्च अदालतको आदेशअनुसार नै रोयल क्यासिनो पनि क्यासिनो सञ्चालनसम्बन्धी नयाँ नियमावली लत्याएर सञ्चालन हुँदै आएको थियो । जसको मुख्य डिजाइन गरेका थिए,मनोज सुवेदीले । मनोज सुवेदी तिनै व्यक्ति हुन् जसले राजधानीका सबै जसो क्यासिनोमा काम गरिसकेका छन् । आजको दृष्टि साप्ताहिकमा खबर छ । भिडियो हेर्न तलको बाकस थिच्नुहोस

0 comments

Write Down Your Responses