रसुवा, आषाढ १ । लाङटाङ क्षेत्रमा पुनः हिमपहिरो गएपछि शव खोजीमा जुटेका सुरक्षाकर्मीमा भागदौड मच्चिएको छ ।
सोमबार बिहान ९ बजेदेखि गएको हिम पहिरो मंगलबार अपरान्हसम्म पनि जारी छ ।
हिम पहिरो नरोकिए पछि शव खोजीमा जुटेका सुरक्षाकर्मीहरु अहिले सुरक्षित स्थानमा बसेका छन् ।
justify;">पहिरोको कारण त्यस क्षेत्रमा हेलिकप्टर समेत बस्ने अवस्था नरहेको प्रहरीले जनाएको छ ।
सोमबारको हिम पहिरोमा परी पांच जना सुरक्षाकर्मी समेत घाइते भएका छन् ।
घाइतेमध्ये एक जनाको अवस्था सामान्य छ भने अन्य चार जनालाई गम्भीर चोट लागेको प्रहरीले जनाएको छ । उनिहरुलाई काठमाडौं ल्याउने प्रयास भईरहेको बताइएको छ ।
सोमबार विहान हिउपहिरो आएपछि भागदौड हुंदा उनिहरु घाइते भएको सहायक प्रमुख जिल्ला अधिकारी गौतम रिमालले जानकारी दिए ।
स्याफ्रुबेसी, बृद्धिमको खाम्जिङ, सुर्के, शेर्पागाउं, रिम्चे, चान्धम, रिभरसाइड, घोडातबेला हुंदै लाङटाङमा हालै १२ किलोमिटर गोरेटो बाटो खोलेपछि सुरक्षा निकाय ३० गते लाङटाङ पुगेको थियो ।
लाङटाङ राष्ट्रिय निकुन्ज सुरक्षार्थ नारायण दल गणका १ सय जना सेनाले लाङटाङ पुगेर बैशाख १२ गते हिउपहिरोमा परेर मृत्यु भएका स्वदेशी, विदेशी र स्थानीयको खोज तथा उद्धारमा जुटेकै बेला सो स्थानमा पुन पहिरो गएको हो ।
हिउपहिराले लाङटाङमा बस्ती नै सखाप भएपछि टेलिफोन सम्पर्कवीहिन छ ।
भिडियो हेर्न तलको बाकस थिच्नुहोस
0 comments
Write Down Your Responses