सुर्खेतमा फेरि गोली चल्यो
भिडियो हेर्न तलको बाकस थिच्नुहोस
प्रहरीको गोली लागेर सोमबार मृत्यु भएका टिकाराम गौतम । सुर्खेत, २६ साउन । अखण्ड मध्यपश्चिमको माग गर्दै सुर्खेतमा प्रदर्शन गरिरहेका प्रदर्शनकारीमाथि मंगलबार फेरि गोली प्रहार भएको छ । आजपनि आन्दोलन चर्किएपछि प्रहरी र प्रदर्शनकारीबीच झडप भएको हो । झडपमा प्रहरीले प्रदर्शनकारीमाथि २५ राउण्ड हवाइ फायर गरेको छ ।
प्रतिकारमा उत्रिएका प्रदर्शनकारीले ढुंगामुढा गरिरहेका छन् । प्रहरीको गोली लागेर तीन प्रदर्शनकारी घाइते भएका छन् । सुर्खेतलाई सुदूरपश्चिमसहितको छटौं नम्बरको प्रदेशमा राखेपछि अखण्ड मध्यपश्चिमआन्दोलन सुरु भएको थियो । सोमबार प्रदर्शनकारीहरु तोडफोड र आगजनीमा उत्रिएपछि प्रहरीले गोली चलाउँदा तीन जनाको मृत्यु भएको थियो । उता आन्दोलन साम्य पार्न स्थानीय राजनीतिक दल, उद्योग बाणिज्य संघ, नागरिक समाज लगायतको बैठक चलिरहेको छ ।
भिडियो हेर्न तलको बाकस थिच्नुहोस
0 comments
Write Down Your Responses